Ի տարբերություն այլ հավելվածների, Տելեգրամը երբեք չի օգտագործում Ձեր անձնական տվյալները՝ գովազդը թիրախավորելու համար։ Հովանավորվող գրառումները Տելեգրամում հիմնված են բացառապես հանրային ալիքների թեմատիկայի վրա, որտեղ դրանք ցուցադրվում են։ Դա նշանակում է, որ օգտվողների անձնական տվյալները չեն հավաքվում և չեն վերլուծվում գովազդ ցուցադրելու նպատակով, և բոլոր օգտվողները, որոնք դիտում են Տելեգրամի այս կամ այն ալիքը, տեսնում են նույն գովազդային գրառումը։
Ի տարբերություն այլ հավելվածների, Տելեգրամը չի հետագծում, թե արդյոք Դուք հպել եք հովանավորվող գրառմանը և Ձեր գործողությունների հիման վրա հատկագիր չի ստեղծում։ Մենք նաև արգելում ենք արտաքին հղումներ օգտագործել հովանավորվող գրառումներում՝ երաշխավորելու, որ երրորդ կողմերը չեն կարող լրտեսել մեր օգտվողներին։ Մենք կարծում ենք, որ յուրաքանչյուր ոք գաղտնիության իրավունք ունի, և տեխնոլոգիական հարթակները պիտի հարգեն դա:
Տելեգրամն անվճար և անսահմանափակ ծառայություն է տրամադրում հարյուր միլիոնավոր օգտվողների համար, ինչը զգալի ծախսեր է առաջ բերում սպասարկիչների և տվյալների բազաների սպասարկման դիմաց վճարման համար։ Անկախ և մեր արժեքներին հավատարիմ մնալու համար Տելեգրամն ալիքների և հաղորդագրությունների առաջխաղացման վճարովի գործիք է մշակել, որը հաշվի է առնում օգտվողների գաղտնիությունը։ Մենք ողջունում ենք պատասխանատու գովազդատուներին հետևյալ հասցեով.
Գովազդային գրառումները ներկայումս փորձարկման ռեժիմում են։ Երբ դրանք լիովին գործարկվեն և թույլ տան Տելեգրամին ծածկել իր հիմնական ծախսերը, մենք կսկսենք գովազդից ստացված եկամուտը կիսել հանրային ալիքների սեփականատերերի հետ, որոնցում ցուցադրվում են հովանավորվող գրառումները։
Համացանցային գովազդն այլևս օգտվողների գաղտնիության չարաշահման հոմանիշ չպետք է լինի։ Եկեք միասին նոր սահմանում տանք այն բանին, թե ինչպես պիտի աշխատեն տեխնոլոգիական ընկերությունները։
Log in here to translate Telegram apps. Please enter your phone number in the international format and we will send a confirmation message to your account via Telegram.